கார்த்திகை 27 தமிழினத்தின் தீபத்திருநாள்

maveerar_day_2014தமிழீழத்தில் மாவீரர் நாள் என்பது தமிழீழ விடுதலைப் போராட்டத்தில் பங்குபற்றி தாய்நாட்டுக்காக தமது உயிரை ஈந்த அனைத்து போராளிகளையும் அவர்களோடு சேர்ந்து போரிட்டு உயிர் ஈந்த எல்லைப்படை துணைப்படை வீரர்களையும், நினைவுகூர்ந்து அவர்கள் கல்லறைகளை வணங்கி தீபமேற்றி அந்த ஒப்பற்ற தியாகிகளின் நினைவுகளை நினைந்து நினைந்து அந்த வீரப்புதல்வர்களின் வீரத்தை கண்டு வியந்து ஆறடி ஆழத்தில் துயிலும் அவர்களின் கல்லறைகளை கண்ணீரால் நீராட்டி வழிபடும் ஒரு உன்னதமான நாள.

எமக்காகா போராடி வீழ்ந்தவர்களை மறந்துவிட்டால் நாங்கள் மனிதர்கள் அல்ல மிருகங்கள் என்று சொல்லக்கூட தகுதியற்றவர்கள் காரணம் ஒருகை சோறு வைத்தால் நாய் காலம் முழுவதும் வாலை ஆட்டி நன்றி சொலுத்தும் ஆனால் ஒரு இனம் வாழவேண்டும் என்பதற்காக பல்லாயிரம் போராளிகள் விதைகளாக வீழ்ந்தார்கள் அவர்களை எப்படி மறக்கமுடியும் எனவேதான் தேசியத்தலைவரினால் மாவீரர்களின் ஆராதனைக்குரிய நாளாக நவம்பர் 27 ஆம் நாள் 1989 ஆண்டில் அறிவிக்கப்பட்டது.

ஈழப் போரில் இறந்த போராளிகளை நினைவுகூருவது, மதிப்பது தமது அடிப்படைக் கடமைகளில், கொள்கைகளில் ஒன்றாக ஈழத்தமிழர்கள் கருதுகிறார்கள். மாவீரர் நாளாக நவம்பர் 27 தேசியத்தலைவரால் 1989 அறிவிக்கப்பட்டது. தமிழீழ மாவீரர் நாளாக இந்நாளைத் தேர்ந்தெடுத்ததற்கு தமிழீழ போராட்ட வரலாற்றுடன் இணைந்த ஒரு முக்கிய காரணம் உள்ளது. இந்த நாளில்தான் தமிழீழ விடுதலைப்புலிகள் அமைப்பின் முதலாவது போராளியான சங்கர் (செ. சத்தியநாதன்) வீரமரணம் அடைந்தார்.

தொடக்க காலங்களில் மாவீரர் நாளில் ஈகைச்சுடரேற்றுவது நள்ளிரவு 12.00 மணிக்கு என்றிருந்தது. பின்னர் அது மாலை 06.05 மணிக்கு என்று மாற்றப்பட்டு விட்டது. அதற்கும் காரணம் உள்ளது. தமிழீழ விடுதலைப் போராட்டத்தில் முதற் களப்பலியான சங்கர் வீரமரணமடைந்தது நவம்பர் 27, 1982 அன்று மாலை 6.05 மணிக்கு. லெப். சங்கர் தனது தாய் நாட்டுக்காக தன் இன்னுயிரை அணைத்துக் கொண்ட அதே நாள், அதே நேரமான 6.05 மணியே தமீழீழ மாவீரர்நாளில் ஈகைச்சுடரேற்றும் நேரமானது கார்மேகம் கூடி விடாது பெய்யும் மழையும் யாரோ கட்டளையிட்டதுபோல அந்த வீரர்களுகு ஈகைச்சுடரேற்றும் நேரத்தில் சற்று ஒதுங்கிக்கொள்ளும் கல்லறைகளும் சற்று கண்விழித்து தன் சொந்தங்களைப்பார்த்து பெருமித்துக்கொள்ளும்

ஈழநிலம் எங்கள் சூரியப்புதல்வனின் கைகளிலே இருந்தபோது மாவீரர் துயிலும் இல்லங்கள் எல்லாம் கோபுரம் இல்லாத கோவில்களைப்போன்று மதிக்கப்பட்டது தன் இனம் தன் சொந்தங்கள் தன் உடன்பிறவா சகோதரர்கள் எல்லாம் சுதந்திரக்காற்றினை சுவாசிக்கவேண்டும் என்பதற்காக காட்டிலும் மேட்டிலும் காற்றில்லா கடலில்நீருள்ளும் அலைந்துதிரிந்து பசிபட்டிணி இருந்து எல்லைதாண்டும் எதிரிகளையும் தாய் மண்ணில் ஏறிவரும் பகைவர்களையும் வெட்டிக்கூறுபோட்டு கதிகலங்கவைத்துவிட்டு களத்திலே வீரமரணமடைந்த மாவீரர்களை அவளவு இலகுவாக மறந்துவிடமுடியுமா ?பொன் பொருள் தேடி அலையும் மானிடப்பேய்களுக்கு மத்தியிலே இனமானம் காக்க பொன்பொருள் இழந்து இளமை இனிமை இழந்து தம் வசந்தகால வாழ்க்கையினை முற்றாக இழந்து வதைமுகாம்களிலும் கொடிய சிறைகளிளும் வதைபட்டு மாண்டுபோன போராளிகள் எத்தனை ஆயிரம் மரணிக்கும் நேரத்திலும் மண்மானம் காக்க மண்டியிட்டுக்கொள்ளாது கழுத்திலே இருக்கும் நஞ்சினை உண்டு தமிழர்களுக்காக வீழ்தவர்கள் எத்தனை ஆயிரம் மஞ்சள் அரைத்து முகத்திலே பூசி பட்டாடையும் பவளமூக்குத்தியும் அணிந்து அன்னநடை நடக்கும் வளக்கத்தினை மாற்றி பாரதிகண்ட புதுமைப்பெண்களாக களத்திலே ஆணுக்குநிகராக போராடிய பெண் போராளிகள் எத்தனை ஆயிரம்? இவர்கள் எல்லோருமே எதற்காக ஆயுதம் ஏந்தினார்கள் ?இத்தனை ஆயிரம் போராளிகளும் எதற்காக ஒருவர் பின் ஒருவராக களத்திலே குதித்தார்கள் தன் மரணத்துக்கான திகதியினை அறிந்தும் அதைப்பற்றி சிறிதளவு கவலையும் இன்றி கொடுக்கப்பட்ட இலக்கின்மீது உடல்முழுக்க குண்டுகளைக்கட்டிக்கொண்டு பாய்ந்து சிதறிப்போன கரும்புலி வீரர்கள் எத்தனையாயிரம்பேர்?

எத்தனை தமிழனின் தலைகளைவெட்டினாலும் எதிர்த்துக்கோழ்விகேட்க யாரும் இல்லை என்று சிங்களப்பேரினவாதம் ஈழமண்ணிலே கொடும் கொலைவெறித்தாண்டவம் போட்டபோது மில்லராக கிட்டுவாக சால்ஸ் அன்ரனியாக அங்கயற்கன்னியாக குமரப்பா புலேந்திரனாக மாலதியாக ஒவ்வொரு தமிழனும் தமிழிச்சியும் புறப்பட்டு வந்தபோது தமிழன் தலைமுடியினைக்கூட தெடுவதற்கு சிங்களப்பேரினவாதம் அச்சப்பட்ட காலங்களும் உள்ளது தமிழினத்தின் பாதுகாவலர்களாக தம் தாய் தந்தை நன்றாக நின்மதியாக உறங்கவேண்டும் என்பதற்காக உறக்கமின்றி ஊர் எங்குமே காவல் நின்ற எங்கள் காவல்தெய்வங்கள் மாவீரர்கள் அப்படிப்பட்ட வீரப்புதல்வர்கள் இனவிடுதலைக்காக வீரமரணமடைந்துள்ளார்கள் இவர்களிற்காக இவர்களின் ஈடாக உலகத்திலே ஏதும் இல்லை

அப்படி இனவிடுதலை ஒன்றே தமது குறிக்கோளாக கொண்டு மரணிக்கும்வரை போராடிய அந்த உத்தமமாம வீரர்களுக்காக என்ன கைமாறு செய்யப்போகின்றது தமிழினம்??இருசூள்ந்த தம் தேசம் விடியமேண்டும் என்பதற்காக் போராடப்புறப்பட்ட பல போராளிகள் விடியாத சிறைகளிலே இன்றுவரை சிக்கித்தவித்துக்கொண்டிருக்கின்றனர்கள் ,கைகளை கால்கள் கன்கள் என்று உடலுறுப்புக்களை எல்லம் இழந்து இன்று எத்தனையோ போராளிகள் ஒழிந்து ஒழிந்து வாழ்ந்துகொண்டிருகின்றனர் இவர்களிற்காக என்ன செய்யப்போகின்றது தமிழினம் ஒரு இனத்தின் விடுதலைக்காக் புறப்பட்ட இனத்திற்று வரும் இழப்புக்களை ஒரு சிலரின் தலையிலே சுமத்திவிட்டு ஒதுங்கிவிடமுடியாது சுதந்திரம் என்பது எல்லோருக்கும் பொதுவான ஒன்று எனவே அந்த சுதந்திரத்திற்காக போராடவேண்டியது எல்லோரினதும் கடமை அதை ஒருசிலரிடம் மட்டும் ஒப்படைத்துவிடமுடியாது மற்றயவர்கள் ஒதுங்கிவிடமுடியாது தம் அடுத்தசந்ததி சுதந்திரமாக நசமாடவேண்டும் சுதந்திரக்காற்றினை சுவாசிக்கவேண்டும் என்று அடுத்தடுத்து மூன்று சந்ததிகள் ஆயுதங்கள் ஏந்திப்போராடிவிட்டன ஆயிரம் ஆயிரம் உடல்கள் விடுதலைக்கான விதைகளாக வீழ்ந்துவிட்டன ஆனால் என்ன சாபக்கேடோ தமிழனுக்கு இன்னவும் விடுதலை மட்டும் கிடைக்கவில்லை

ஈழத்தீவுமூவதும் சிங்களப்பேரினவாதிகளின் முற்றுகைக்குள் அகப்பட்டுக்கொண்டது ஈழவிடுதலைக்காய் போராடிய மாவீரர்களது கல்லறகளும் கால்முளைத்து களமாடுமோ என்றோ என்னவோ துயிலும் இல்லங்களை எல்லாம் துப்பாக்கி ஏந்திய சிங்களச்சிப்பாய்கள் முற்றுகையிட்டு மாவீரர்களின் கல்லறைகளை எல்லாம் உடைத்தெறிந்து கொக்கரித்துக்கொண்டிருக்கின்றனர் அமைதியாக தூங்கிய வீரப்புதல்வர்களின் ஆன்மாக்கள் அலைந்துகொண்டிருக்கின்றது எருக்கலம் காடுகளாகவும் பௌத்தவிகாரைகளாகவும் உதைபந்தாட்ட மைதானமாகவும் இரானுவமுகம்களாகவும் எம் இனம் காத்த வீரர்களின் துயிலுமில்லங்கள் மாறிவிட்டது

நமக்காக போராடப்புறப்பட்ட அந்த வீரர்களின் நினைவிடங்களைக்கூட மீட்டெடுக்க முடியாத பாவிகளா தமிழினம் வேதனைப்பட்டுக்கொண்டிருக்கின்றது தமிழினம் ஆட்சியும் அதிகாரமும் உள்ள சிங்களப்பேரினவாதம் இழுத்த இழுப்புக்கெல்லாம் இசைந்துகொடுக்கவேண்டிய கட்டாயத்துக்குள் தமிழர்களை காலம் தள்ளிவிட்டுள்ளது வார்தைகளால் வர்னிக்கப்படமுடியாத அளவு தியாகங்களை எந்தவித எதிர்பார்ப்புகளும் இன்றி செய்துவிட்டு ஆறடி ஆழத்தில் துயில்கின்ன்ற எங்கள் சுதந்திரப் போராட்ட வீரர்களை சுயநலவாத பயங்கரவாதிகளாகவும் தீவிரவாதிகளாகவும் தூற்ரிக்கொண்டிருக்கின்றது இன்னும் எத்தனையோ இழிவுகளை தமிழினம் ஒவ்வொருநாளும் சந்தித்துக்கொண்டிருக்கின்றது இதிலிருந்து தமிழினம் மிக விரைவாக மீண்டெழுந்துகொள்ளவேண்டும்

ஓடாதமானும் போராடாத இனமும் மீண்டெழுந்ததாக சரித்திரம் இல்லை எனவே எம் விடுதலைக்காக விழ்ந்துபோன வீரர்களின் கனவுகளை நினைவாக்கி தேசியத்தலைவரின் வழிநடந்து மீண்டும் துயிலுமில்லங்களையும் எங்கள் தமிழீழதேசத்தையும் எதிரியிடம் இருந்து மீட்டு நாங்கள் தமிழர்கள் என்று தலைநிமிர்ந்து கொள்வோம் என இந்த கார்த்திகை 27 இல் உறுதிகொள்வோம் கல்லறைகளை எல்லாம் எம் நெஞ்சறைகளில் வைத்து தீபமேற்றுவோம்

எம் மண்காத்த மாவீரர்களிற்காக எங்கள் வீடுகளில் ஒரு தீபமேனும் ஏற்றி அவர்களை ஆராதிப்போம் உறுதிகொள்வோம் கார்திகை 27 இல் நாம் வெல்வது
உறுதி என்று

மொழியாகி எங்கள் மூச்சாகி நாளை முடிசூடும் தமிழ்மீது உறுதி!
வழிகாட்டி எம்மை உருவாக்கும் தலைவன் வரலாறு மீதிலும் உறுதி!
விழிமூடி இங்கே துயில்கின்ற வேங்கை வீரர்கள் மீதிலும் உறுதி!
இழிவாக வாழோம்! தமிழீழப்போரில் இனிமேலும் ஓயோம் உறுதி!

தாயகக்கனவுடன் சாவினை தழுவிய சந்தனப்பேழைகளே!
தாயகக்கனவுடன் சாவினை தழுவிய சந்தனப்பேழைகளே!

இங்குகூவிடும் எங்களின் குரல்மொழி கேட்கிதா? குழியினுள் வாழ்பவரே!
இங்குகூவிடும் எங்களின் குரல்மொழி கேட்கிதா? குழியினுள் வாழ்பவரே!

தாயகக்கனவுடன் சாவினை தழுவிய சந்தனப்பேழைகளே!

உங்களைப் பெற்றவர் உங்களின் தோழிகள் உறவினர் வந்துள்ளோம்!
உங்களைப் பெற்றவர் உங்களின் தோழிகள் உறவினர் வந்துள்ளோம்!
அன்று செங்களம் மீதிலே உங்களோடாடிய தோழர்கள் வந்துள்ளோம்!
அன்று செங்களம் மீதிலே உங்களோடாடிய தோழர்கள் வந்துள்ளோம்!

எங்கே! எங்கே! ஒருதரம் விழிகளை இங்கே திறவுங்கள்!
எங்கே! எங்கே! ஒருதரம் விழிகளை இங்கே திறவுங்கள்!
ஒருதரம் உங்களின் திருமுகம் காட்டியே மறுபடி உறங்குங்கள்!
ஒருதரம் உங்களின் திருமுகம் காட்டியே மறுபடி உறங்குங்கள்!

-சங்கிலியன்

Advertisements