தமிழ்த்தேசிய மக்கள் முன்னணி: துரோகத்தின் புதிய பரிமாணம் ??

nilaanthan01. விடுதலைப் புலிகளின் வீரம் தியாகம் என்பவற்றைச் சூழ்திருந்த புனிதத்திரைகள் யாவும் நாலாம்கட்ட ஈழப்போரில் கிழிந்துபோய்விட்டன. தன்னையும் தன்னுடைய அதிகாரத்தையும் தக்கவைப்பதற்காக பிரபாகரன் ஆடிய சூதாட்டம் அவரை உலகின் மன்னிக்கப்படமுடியாத போர்க்குற்றவாளிகள் மற்றும் மனிதகுலத்துக்கு எதிரான குற்றங்களைப் புரிந்தவர்களின் பட்டியலில் சேர்த்துவிட்டது. மாவிலாற்றிலும், முகமாலையிலும் தோற்கடிக்கப்பட்டபோது பிரபாகரன் நிதானமிழந்துவிட்டார்.

அவர் ஆட்சிசெய்த அரை அரசைப் பாதுகாப்பதற்காக அவருடைய பிரஜைகள் என்று அவர் நம்பிய சுமார் மூன்று இலட்சம் மக்களை அவர் வதைத்த விதம் அதை நியாயப்படுத்த அவருடைய ஆட்கள் சொன்ன பொய்கள் தோல்விகளையும் இயலாமைகளையும் மறைக்க அவர் தனது சொந்தச் சனங்களுக்கே அவிழ்த்துவிட்ட கட்டுக்கதைகள் எல்லாமுமே அவருடைய தலையைச் சுற்றி அவருடைய அபிமானிகளால் வரையப்பட்டிருந்த ஒளிவட்டத்தை அழித்துவிட்டன.

முதலில் அவர் வீட்டுக்கு ஒரு பிள்ளை என்று கேட்டார். முடிவில் வீட்டிலுள்ள வலுவுள்ள எல்லோரையும் கேட்டார். வராதவர்களைக் கடத்திச் சென்றார். எதிர்த்த உறவினர்களைச் சுட்டுக்கொன்றார் அல்லது அடித்து நொறுக்கினார். தனது பிடியிலிருந்து தப்பி அரச படைகளை நோக்கி ஓடிய தனது சனங்களைப் புறமுதுகில் சுட்டுக்கொன்றார் அல்லது தப்பியோடிப் பிடிபட்டவர்களை அடித்து நொறுக்கினார்.

நவீன தமிழ் அரசியலில் தனிநபர் வழிபாட்டின் உச்சமாகக் காணப்படுவது அவர்தான். அதேசமயம் தனது சொந்தச் சனங்களால் வேறெந்தத் தமிழ்த் தலைவரையும் தூற்றியிராத அளவுக்கு கேவலமான வசைச் சொற்களால் தூற்றப்பட்ட ஒரு தலைவராகவும் அவரே காணப்படுகிறார். அவர் தொடக்கி வைத்த தமிழின் நவீன வீரயுகம் எனப்படுவது அவரைத் தமிழ் வீரத்தை அதிகம் துஷ்பிரயோகம் செய்த ஒரு தலைவராகவே நிறுவிவிட்டு முடிந்திருக்கிறது: நிலாந்தன்.

(புலிகளுக்கு எதிரான போர்க்குற்ற ஆவணமாக “இரத்த சாட்சி” என்ற அடிப்டையில் நிலாந்தனால் எழுதப்பட்டு சிங்களம் ஜெனிவாவில் சமர்ப்பிக்கவுள்ளதாக நம்பப்படும் ஆவணத்தின் ஒரு பகுதி இது.)

nilanthan tnaf
02. திரு.குமார் பொன்னம்பலம் தமிழர் தேசம் தன்னாட்சி உரிமைபெற்று சுதந்திர நாடாக உருவாகவேண்டுமென ஆவல்கொண்டவர். ஆயுதப் போராட்டம் வாயிலாகவே தமிழரின் விடுதலை சாத்தியமாகும் என்பதில் அசையாத நம்பிகைகொண்டவர். அதனால் பகிரங்கமாகவே எமது விடுதலை இயக்கத்தையும்இ எமது இயக்கத்தின் கொள்கையையும் ஆதரித்தார். எமது விடுதலைப் போராட்டத்தை நியாயப்படுத்தி உலக அரங்கில் குரல்கொடுத்துவந்தார். திரு.குமார் பொன்னம்பலம் அவர்களின் இனப்பற்றிற்கும்இ விடுதலைப் பற்றிற்கும் மதிப்பளித்துஇ அவரது நற்பணியை கெளரவிக்கும் முகமாக “மாமனிதர்” என்ற அதியுயர் தேசிய விருதை அவருக்கு வழங்குவதில் நான் பெருமையடைகிறேன் : தமிழீழ தேசியத்தலைவர் மேதகு வே பிரபாகரன்.

பிரபாகரன் பாசிஸ்ட்,சொந்த மக்களை கொன்றொழித்த கொலைகாரன், மனிதகுலத்துக்கு எதிரான குற்றங்களைப் புரிந்த உலகின் மன்னிக்கப்படமுடியாத போர்க்குற்றவாளி, கிறுக்கு பிடித்த மனநோயாளி, தனிநபர் வழிபாட்டின் உச்சம் என்று கூறும் நிலாந்தனுக்கும் குமார் பொன்னம்பலத்திற்கும் என்னதான் தொடர்பு?

தொடர்பு இருப்பதாக சொல்கிறது தமிழ்தேசிய மக்கள் முன்னணி. ஆம் ததேமமு தமது அரசியல் வங்குரோத்துதனத்தின் காரணமாகப் புதிய அவதாரம் எடுத்திருக்கிறது. பதவி காய்ச்சல் புலி எதிர்ப்பில் கொண்டே முடித்திருக்கிறது. துரோகத்தின் புதிய பரிமாணம் இது.

பதவி கதிரைகளுக்காக தடம்மாறி “புலீ நீக்கம்” செய்யும் அரசியலை ததேமமு செய்வதாக அரசல் புரசலாக உலாவிய செய்திகளை மாமனிதர் குமார் பொன்னம்பலத்திற்கான நினைவுபேருரையை நிகழ்த்த புலிகளுக்கு எதிரான போர்க்குற்ற சாட்சியான நிலாந்தனை மேடையேற்றியதனூடாக தம்மை முழுமையாக வெளிப்படுத்தியிருக்கிறது ததேமமு.

புலிகள் போர்க்குற்றவாளிகள், மனித உரிமைகளை மீறினார்கள் என்று ஒரு புறமும் மறுபுறம் தேர்தல் நேரங்களில் புலிகளை “மாவீரர்கள்’ என்றும் புகழ்பாடி இரட்டை அரசியல் செய்துவரும் கூட்டமைப்புக்கு மாற்றாக மாவீரர்களின் தியாகங்களிலிருந்து அவர்கள் வழி நின்று தம்மை கட்டியெழுப்பியிருப்பதாக சபதம் செய்து அரசியல் செய்ய புறப்பட்ட ததேமமு இப்போது மாவீரர்களையும் தலைவர் பிரபாகரனையும் வசைபாடும் கும்பல்கனை இணைத்து “புலி நீக்கம்” செய்யும் அரசியலில் இறங்கியிருக்கிறது.

இதற்குத்தானே கூட்டமைப்பு இருக்கிறது. இதற்கு ஏன் இன்னொரு கட்சி? கூட்டமைப்பிற்கான மாற்று என்று ததேமமு ஐ வேறு பிரித்து பார்க்கும் இடைவெளியாக இருந்த ஒரே ஒரு கோடு இதுதான். அதை ததேமமு தானே அழித்துவிட்டிருக்கிறது. இனி மக்கள் முன்போய் நிற்பதற்கான தார்மீக அறம்தான் என்ன? அதன் அரசியல்தான் என்ன?

புலிகளை போர்குற்றவாளிகளாக்கி கழுவிலேற்ற துடிக்கும் நிலாந்தனுக்கும் புலிகளின் தியாகங்களிலிருந்து அரசியல் செய்ய புகுந்த ஒரு கட்சிக்கும் இடையில் எந்த அடிப்படையில் தொடர்பு ஏற்பட முடியும் என்று எமக்கு புரியவில்லை. அதை ததேமமு யினர் தான் விளக்க வேண்டும்.

மாற்றுக்கருத்தாளர்கள், எதிர்க்கருத்தாளர்களுக்கு தளம் கொடுப்பது என்பது ஜனநாயக அறம்தான். அதைத்தான் கூட்டடைமப்பு செய்து வருகிறதே.! அதற்கு ஏன் ததேமமு? ஆனால் சம்பந்தர், சுமந்திரன், விக்கினேஸ்வரன் போன்றவர்கள் மகிந்த சகோதரர்களுடன் கைகுலுக்கியபோதும் புலிகள் குறித்து விமர்சனங்களை முன்வைத்த போதும் ததேமமு அறச்சீற்றம் கொண்டு பொங்கியதையும் நாம் அறிவோம்.

ஆனால் தற்போது பிரபாகரனை மனநோயாளி – போர்க்குற்றவாளி என்று கூறும் நிலாந்தனை மேடையேற்றி இந்த தமிழ் சமூகத்திற்கு சொல்ல வருவதுதான் என்ன? இந்த செயலை மறைந்த மாமனிதர் குமார் பொன்னம்பலம் உயிருடன் இருந்தால் எற்றுக்கொண்டிருப்பாரா? மாவிரர்களின் ஆவிகள் உங்களை பார்த்து காறி உமிழ்வதையாவது அறிவீர்களா?

பிரபாகரனை பாசிஸ்ட் என்பவன் வாயால் குமார் பொன்னம்பலத்திற்கு என்ன புகழாரத்தை சூட்ட விரும்புகிறீர்கள். அவன் வாயிலிருந்து வரும் வார்த்தைகள் உண்மையாக இருக்குமா? அப்படியானால் பிரபாகரன் குறித்து அவன் உளறிக்கொட்டிய வார்த்தைகளை நீங்கள் தமிழ் சமூகத்திற்குள் கடத்த விரும்புகிறீர்களா?

இதை தமிழில் நமது மக்கள் கடைந்தெடுத்த அயோக்கியத்தனம் அல்லது பச்சோந்தித்தனம் என்று சொல்வாhர்கள். ததேமமுன்னணியினரான உங்களுக்கு ஏன் இந்த இழி நிலை? இனி மாவீரர்களையும் தலைவரையும் எமது போராட்டத்தையும் கொச்சைப்படுத்தும் யாரையாவது விமர்சிக்கும் தகுதியை விடுவோம் அவர்களை நிமிர்ந்து பார்க்கும் தகுதியாவது கஜேந்திரகுமார் குழுவிற்கு உண்டா?

கூட்டமைப்பிற்கு மாற்று என்றும் புலிகளின் தியாகங்களை மதித்து அந்த பாதையில் பயணிக்கும் ஒரு கட்சி என்று கடந்த 4 வருடங்களுக்கும்மேலாக நம்பிய தமிழீழ மக்களை இப்படி நட்டாற்றில் விடும் திட்டத்தை எத்தனை நாளாகத் தீட்டிக்கொண்டிருந்தீர்கள்?

என்றைக்கு மாவீர்களையும் போராட்டத்தையும் காட்டிக்கொடுக்க துணிந்தவர்களுடன் மேடையை பகிர்ந்து கொள்ள முற்பட்டீர்களோ அன்றே உங்களின் முடிவுரை எழுதப்பட்டு விட்டது. இந்த சம்பவத்திற்கு பிறகு தமிழ் மக்கள் உங்கள் மீது நம்பிக்கை வைக்கும் ஒரு புள்ளியையாவது உங்களால் குறிப்பிட முடியுமா?

புலிகளை போர்க்குற்றவாளிகள் என்று தான் மட்டுமல்ல பலரது கருத்துக்களையும் ஆவணப்படுத்தி அதை திரைமறைவு இயக்கமாகவே முன்னnடுத்து வரும் நிலாந்தனை மேடையேற்றும் உங்களது ஈனச்செயல்போல் கூட்டமைப்பு கூட இதுவரை செய்யாதது. இது ஒரு ஆபத்தான போக்கு. தமிழ்த்தேசிய அரசியலிலிருந்து உடனடியாக நிர்மூலம் செய்யப்பட வேண்டிய ஒரு அரசியல் அமைப்பாக நீங்களே உருவெடுத்துள்ளீர்கள்.

இதன் விளைவாக எதிரிகளை விட துரோகிகளே ஆபத்தானவர்கள் என்ற தலைவரின் கூற்றை தெளிவாக உள்வாங்கிய சமூகமாக கூட்டமைப்பைவிட ஆபத்தான சக்திகளாக தற்போது நீங்களே இருக்கிறீர்கள். ஏனென்றால் கூட்டமைப்பு வெளிப்படையாக புலிநீக்கம் செய்யப்பட்ட அரசியலை செய்கிறது. ஆனால் நீங்கள்?

யார் இந்த நிலாந்தன்?

மே 18 இற்கு பிறகு எதிரிகளினால் தமிழீழ விடுதலைப்போராட்டத்தையும் தமிழர்களின் போராட்ட சக்திகளான புலிகளையும் இல்லாதொழிக்க எதிரிகளால் களமிறக்கப்பட்ட ஒரு நபர்தான் நிலாந்தன். அவரது தொடர் செயற்பாடுகளும் எழுத்துக்களும் அதற்கு ஆதாரமாக இருக்கின்றன. 2009 மே இற்கு முன்பே வன்னயிலிருந்து தப்பியோடிய நிலாந்தன் துணை இராணுவக்குழுவான ஈபிடிபி உடன் தொடர்புகளை ஏற்படுத்துகிறார். இந்த இணைப்பை இவருடன் தப்பியோடிய கவிஞர் கருணாகரன் அவரது உறவினரான ஈபிடிபி சந்திரகுமார் மூலம் ஏற்படுத்தி கொடுக்கிறார்.

முகாமில் இருந்தபடியே முகமுடி போட்டு புனைபெயர்களுடன் தாயகத்தில் மட்டுமல்ல தமிழகம் மற்றும் புலம் வரை புலிகளுக்கு எதிரான போர்க்குற்ற சாட்சியங்கள் உற்பத்தி செய்யப்பட்டு பரப்பபடுகின்றன.

தொலைபேசி வாயிலாக மற்றும் இணையம் வழி நிலாந்தன் பலரை தொடர்பு கொண்டு அதை ஒரு இயக்கமாகவே முன்னெடுக்கிறார். தமிழகம் மற்றும் புலத்தில் நிலாந்தனை மேற்கோள்காட்டியும் காட்டாமலும் அது ஒரு பெரிய எதிர்ப்பு அலையை தமிழீழ விடுதலைப்போராட்டத்திற்கும் புலிகளுக்கும் எதிராக உருவாக்குகிறது. பல்லாயிரக்கணக்கானவர்கள் புலிகளுக்கு எதிராக மாற நிலாந்தன் ஒரு தனிமனித இராணுவமாக செயற்பட்டது வரலாற்றில் பதிவு செய்யப்பட்டுள்ளது. இதெல்லாம் பெரிய கதை. அதை எழுதித் தீராது. இவற்றையெல்லாம் அவரே மறுக்க மாட்டார்.

மே 18 இற்கு பிறகு போராட்டத்தை நியாயப்படுத்த புறப்பட்ட எம்மைப்போன்றவர்களுக்குத்தான் நிலாந்தனின் வாக்குமூலங்கள் ஏற்படுத்திய பாதிப்பு தெரியும். ஏன் இன்று கூட புலிகளுக்கு எதிராக வாதம் வைக்கும் அனைவரும் நிலாந்தனின் எழுத்துக்களையே மேற்கோள்களாக காட்டி வருகின்றனர். இப்போது சிங்களம் கூட ஜெனிவாவில் போர்க்குற்ற சாட்சியாக அதை மொழிபெயர்த்து ஆவணப்படுத்துகிறது.

ஆனால் பாவம் ததேமமு இனருக்கு இது எதுவுமே தெரியாதாம்? நாங்கள் நம்பிவிட்டோம். அண்மையில் 3 மாதங்களுக்கு முன்பு இனஅழிப்புக்கு வெள்ளையடிக்க இலக்கிய கூட்டம் என்ற பெயரில் ஒரு சந்திப்பை ஏற்படுத்தியவர்களில் ஒருவர் நிலாந்தன். தாயகத்திலிருந்து மட்டுமல்ல புலம் மற்றும் தமிழகத்திலிருந்து இதை புறக்கணிக்குமாறு பலர் வற்புறுத்தியும் அதை நடத்தி முடித்தது ஒரு கும்பல். அந்த சந்திப்பில் வெளியிடப்பட்ட நூலில் நிலாந்தனின் ஆக்கத்தை பார்க்க முடியும். முன்புதான் அவர் அப்படி, தற்போது திருந்திவிட்டார் என்று கூறுபவர்கள் இந்த இலக்கிய சந்திப்பு குறித்து என்ன சொல்லப்போகிறார்கள்?

அது சரி நாளை கருணா, டக்ளஸ், கேபி போன்றவர்களும் இப்படி வாக்குமூலம் வைத்தால் ஏற்றுக்கொள்வீர்களா? அவர்கள் மன்னிப்பு கேட்டாலும் அவர்களின் செய்கை போராட்டத்திற்குள் ஏற்படுத்திய பாதிப்புக்களுக்கு என்னதான் தீர்வு?

நிலாந்தன் தற்போது திருந்தினாலும் நிலாந்தனின் வாக்குமூலங்களால் எழுத்துக்களால் புலிகளுக்கும் போராட்டத்திற்கும் எதிராக ஒரு பெரிய இயக்கமே உருவாகியிருக்கிறது. இதற்கு நிலாந்தனின் பதில் என்ன?

தான் திருந்தியது உண்மை என்றால். நிலாந்தன் தலைவர் பிரபாரகரன் குறித்து, போராட்டம் குறித்து எழுதிய கருத்துக்களை பகிரங்கமாக மீள எடுப்பாரா? அல்லது அவரை மேடையேறற்pய கஜேந்திரகுமார் எடுக்க சொல்வாரா? புலிகள் போர்க்குற்றம் செய்யவில்லை என்று வாதாடும் கஜேந்திரகுமார் புலிகளை போர்க்குற்றவாளிகள் என்று பகிரங்கமாக அறிவித்தவரை மேடையேற்றுவதனூடாக தமிழ் மக்களுக்கு சொல்லவரும் செய்திதான் என்ன?

ஆசிரியர் வரதராஜன் அவர்கள் ததேமமு இலிருந்து வெளியேறியது தொடக்கம் அண்மையில் அரியநேந்திரன் எம்பி கஜேந்திரகுமார் பற்றி பரப்பிய சில செய்திகள் வரை பல வதந்திகள் இருக்கின்றன. ஆனால் தற்போது நிலாந்தனை மேடையேற்றி அவற்றை ததேமமு யே நிருபிக்க முற்படுவதுபோல் தெரிகிறது. இது மிகவும் துரதிஸ்டவசமானது.

நிறைய நாம் பேச விரும்பவில்லை. எம்மிடம் மிக எளிமையான கேள்விகளே உள்ளன. புலிகள் குறித்தும் போராட்டம் குறித்தும் தான் பரப்பிய வதந்திகளை நிலாந்தன் மீள எடுக்காதவரை அவர் தமிழ்த்தேசியம் குறித்து பேச எந்த அருகதையும் அற்றவர்.

ததேமமு நிலாந்தனின் வாக்குமூலங்களை சிங்களம் புலிகளுக்கு எதிரான போர்க்குற்ற ஆவணங்களாக ஜெனவாவில் ஒருவேளை சமர்ப்பிக்க முற்பட்டால் அதற்கு அவரை மேடையேற்றியதனூடாக ஒரு அங்கீகாரத்தை வழங்கி சிங்களத்திற்கு துணைபோவதாக நாம் கருத இடமுண்டு. இதற்கு பெயர் தமிழத்தேசியமா?

நிலாந்தனை மேடையேற்றிய ததேமமு புலிகள் குறித்த அவதூறுகளை நிலாந்தனை மீள பெற வற்புறுத்துமா? அவரையோ அவரது வாக்குமூலங்களையோ ஜெனிவாவிற்கு வராமல் தடுக்க ததேமமு முயலுமா? மீறி நடந்தால் ததேமமு என்ன செய்யப்போகிறது?

இதற்கு எல்லாம் ததேமமு பதில் சொல்லுமா?

நிலாந்தனை மேடையேற்றியதற்கு ததேமமு தமிழ் மக்களிடம் பகிரங்கமாக மன்னிப்பு கேட்க வேண்டும். இல்லையேல் ததேமமு ஐ தமிழ் மக்கள் புறக்கணிப்பதை;த தவிர வேறு வழியில்லை. மாவீரர்களையும் தேசியத்தலைவரையும் கொச்சைப்படுத்தும் நயவஞ்சக பச்சோந்திகளுக்கு அடைக்கலம் கொடுக்கும் ஒரு கட்சி தமிழ் மக்களுக்கு தேவையில்லை..

எல்லா துரோகங்ளையும் போல் இந்த துரோகத்தையும் தமிழ் மக்கள் கடப்பார்கள். மக்களும் மாணவர்களும் இணைந்த ஒரு மாற்று இயக்கத்தை நிறுவ நாம் ஒன்று பட்டு உழைப்போம். துரோகிகளுக்கு பாடம் படிப்பிப்போம்.

“வெற்றி தோல்வி முக்கியமில்லை. அடுத்த தலைமுறைக்கு தெளிவான வரலாற்றையே விட்டு செல்ல வேண்டும்.” என்றார் தேசியத்தலைவர். அவர் வழி நிற்கும் நாம் தமிழ் மக்களிடையே தவறான வரலாற்றை கற்பிக்கும் யாரையும் அரசியல் செய்ய அனுமதிக்க மாட்டோம்.

கஜேந்திரகுமார் குழுவை மாவீரர்களினதும் குறிப்பாக குமார்பொன்னம்பலத்தினது ஆத்மா மன்னிக்கட்டும்.

ஈழம்ஈநியூஸ்.

***

ததேமமு மீதான விமர்சனம் குறித்த விளக்கம்

ததேமமு மறைந்த மாமனிதர் குமார் பொன்னம்பலம் நினைவுப்பேருரையை நிகழ்த்த புலிகளுக்கு எதிரான போர்க்குற்ற சாட்சியான நிலாந்தனை மேடையேற்றியது தொடர்பாக ஒரு காட்டமான விமர்சனத்தை முன்வைத்திருந்தோம். அதற்கு பல எதிர்வினைகள். நாம் எதிர்பார்த்ததுதான்.

எமது ஆசிரியர் குழுவைச் சேர்ந்தவர்களிடம் நேரிடையாகவும் தொலைபேசி வாயிலாகவும் மின்னஞ்சல் ஊடாகவும் என்று பலதரப்பட்ட எதிர்வினைகள் அவை. நல்ல விடயம். எம்முடன் பேசிய ஒருவருமே நிலாந்தனுக்காக வக்காளத்து வாங்க வரதாவரை சந்தோசமே.! தமிழ்த்தேசியம் குறித்து பேசும் அருகதை நிலாந்தனுக்கு இல்லை என்பதும் அவரை விமர்சிப்பது ஏற்புடையதுதான் என்ற புரிதலும் அகேனமாக அனைவருக்கும் இருப்பது ஒரு நம்பிக்கையளிக்கும் விடயம்.

ஆனால் ததேமமு மீதான நமது விமர்சனத்தை யாரும் ஏற்பதாக இல்லை. இதற்கு நாம் பதிலளிக்க கடமைப்பட்டுள்ளோம்.

அதற்கு முன்பு சிலவற்றை தெளிவு படுத்த விரும்புகிறோம். சிலர் இணைய வெளிகளில் இந்த விமர்சனம் குறித்து சில வதந்திகளை பரப்பியதாக அறிந்தோம். அதனால் இந்த விளக்கம்.

நாம் ஒன்றும் அனாமதேயமான மொட்டைக் கடதாசி இணையம் நடத்தவில்லை. முகமூடி அணிந்து யாரையும் அவதூறு செய்ததும் கிடையாது. முடிந்தவரை ஊடக அறங்களை கடைப்பிடித்தே வருகிறோம். ஊடகத்தை வியாபாரத்திற்கோ பரபரப்புக்கோ நாம் நடத்தவுமில்லை.

நாம் ஊடக வெளியில் இயங்குவதை விட செயற்பாட்டு தனங்களிலேயே தங்கியிருக்கிறோம். 2009 மே இற்கு பிறகு தமிழீழ விடுதலைக்கான ஒரு தற்காலிக பரப்புரைத்தளம் ஒன்றின் தேவை கருதி தொடங்கப்பட்டதே எமது இணையம் . எந்த நேரத்திலும் எமது இணையத்தை நாம் மூடவும் நேரிடலாம். முன்பு தமிழிலும் பின்பு ஆங்கிலத்திலும் தற்போது மீண்டும் தமிழிலும் என்று மாறி மாறி இயங்கி வருகிறோம்.

இது பலருக்கும் தெரியும். எமது பின்னணியில் யார் இருக்கிறார்கள் என்பதும் தெரியும். நாம் ததேமமு குறித்து எழுதியது எமது ஆசிரியர் தலையங்கம். தெளிவாக “ஈழம்ஈநியூஸ்” என்று அதன் கீழ் பதிவு செய்திருந்தும் சில “மேதாவிகள்” அதை அனாமதேய கட்டுரை என்றும் அதை எழுதியது இன்னார் என்றும் கிசுகிசுக்கள் எழுதியதாக அறிந்தோம்.

அது எமது ஆசிரியர் தலையங்கம். நாம் கூடி பேசி சுயநினைவுடன் எழுதியது. அதற்கு முழுப்பொறுப்பு எமது ஆசிரியர் குழு. நாம் எழுதியதில் தற்போதும் தெளிவாகவே இருக்கிறோம். அதை அவதூறு, அனாமதேய கட்டுரை, ஆதாரமில்லாதது என்று யாரும் பிதற்ற வேண்டாம்.

ஒன்றல்ல ஆயிரம் ஆதாரங்கள் நிலாந்தன் குறித்து எம்மிடம் உள்ளது. சம்பந்தப்பட்ட ததேமமு எழுத்து மூலம் மறுப்பு வைத்தால் நாம் ஆதாரங்களை பகிரங்கமாக வைப்போம். நிலாந்தன் ஆதாரம் கேட்டு வரமாட்டார். அதை நாம் அவரிடம் கோரவுமில்லை.

நாம் கேபி, கருணா, டக்ளஸ் வகையறாக்களிடம் எந்த தொடர்பையும் பேணுவதில்லை. அந்த பட்டியலில் உள்ள நிலாந்தனுக்கு மட்டும் நாம் எப்படி சிறப்பு சலுகை அளிக்க முடியும்.?

ஆனால் நாம் முன்வைத்த குற்றச்சாட்டுக்களுக்கு நிலாந்தன் மறுப்பு எழுதினால் அதை முழுமையாக பதிவு செய்யும் ஊடகஅறம் எம்மிடம் நிரம்பவே உள்ளது. ஆனால் தமிழீழ விடுதலைப்போராட்டத்தில் அவரது துரோகப்பாத்திரம் குறித்த எண்ணற்ற ஆதாரங்களை இணைத்தே அதை வெளியிடுவோம். மின்னஞ்சல்கள், தொலைபேசி ஊரையாடல்கள், புகைப்படங்கள், முகமூடி தரித்த புலிஎதிர்ப்பு கட்டுரைகள், சந்திப்புக்கள் என்று அது பலவகையானது.

எனவே ஊடகவியலாளர்கள் என்ற போர்வையிலுள்ள சில வியாபாரிகளும் பிழைப்புவாதிகளும் எமக்கு பாடம் எடுப்பதை முதலில் நிறுத்துங்கள். தமிழ்த்தேசிய சிந்தனைப்பள்ளி என்பது தமிழ்த்தேச விடுதலை குறித்து ஆக்கபூர்வமாக பேசவே ஒழிய துரோகத்திற்கு விளக்கு பிடிக்க அல்ல.

புலத்தில் உருத்திரகுமாரன் தொடக்கம் தாயகத்தில் சம்பந்தர் வரை நாம் தமிழ்த்தேசியத்திலிருந்து பாதை மாறிய யாரையும் விட்டு வைத்ததில்லை. எனவே ததேமமுன்னணிக்கு மட்டும் விலக்கு அளிக்க முடியாது.

வேறு சிலர் நிலாந்தன் நான்கு வருடங்களுக்கு முன்பு எழுதியதை இப்போது பதிவுசெய்வது அறமில்லை என்று சொன்னதாக அறிந்தோம். ஆனால் அவர்களில் சிலர் கூட்டமைப்பு வடக்கு மகாணசபையில் போட்டியிட்டபோது அதன் வேட்பாளர்களான ஆனந்தசங்கரி, சித்தார்த்தன் போன்றவர்கள் பல வருடங்களுக்கு முன்பு பேசியவற்றை தமிழ் மக்களுக்குள் பரப்பியதன் அர்த்தத்தை சொன்னால் நாமும் புரிந்து கொள்ள வசதியாக இருக்கும். நீங்களெல்லாம் நல்லா வருவீங்க ராசா.. அற்புதமான தமிழ்த்தேசிய சிந்தனை இது.

இனி விடயத்திற்கு வருகிறோம்.

வெளிப்படையாகவே நிலாந்தன் தேசியத்தலைவர் பிரபாகரன் குறித்தும் மாவீரர்கள் குறித்தும் உளறிக்கொட்டிய பதிவுகள் இருக்கின்றன. இருந்தபோதிலும்

புலனாய்வு போராளிகளின் ஏராளமான தரவுகளின் அடிப்படையில் நிலாந்தன் குறித்து பல தரப்பையும் எச்சரித்ததுபோல் கடந்த 10 மாதங்களுக்கும் மேலாக ததேமுமு யினருக்கும் எச்சரித்து வந்துள்ளோம். பல ஆதாரங்களையும் முன்பே அனுப்பியும் வைத்தோம்.

ஆனால் கெடுகுடி சொல் கேளாது என்பதற்கு ததேமமு நல்ல உதாரணம். அத்தோடு இந்த நிகழ்வில் நினைவுப்பேருரையை நிலாந்தன் நடத்தப்போவது அறிந்து அதை நிறுத்துமாறும் கேட்டோம். நிறு;தவில்லை.நடத்திய பின் நாம் கண்டன அறிக்கை வெளியிடப்போகிறோம் என்று கூறியது மட்டுமல்ல பல ததேமமு உறுப்பினர்களுக்கு எமது ஊடகத்தில் வெளியிட முன்பு அந்த பதிவை அனுப்பியுமிருந்தோம்.

அந்தளவிற்கு நாம் இறங்கி வந்ததுடன் ஊடக அறத்தையும் பேணினோம். இதில் எந்த தனிப்பட்ட பிரச்சினையுமில்லை. ஒருதமிழ்த்தேசிய இயக்கத்தின் மீது கறைபடிந்து அது மக்களிடமிருந்து அன்னியப்ட்டுபோவதை நாம் விரும்பாததே எமது அனைத்து முயற்சிகளுக்கும் காரணம். ஆனால் விதி வலியது.

இன்று ததேமமு கறைபடிந்த ஒரு இயக்கம். அது மக்கள் முன் செல்லும் தார்மீக அறத்தை இழந்து விட்டது. நாம் வாக்கு அரசியலை தாண்டிய ஒரு அமைப்பு குறித்து சிந்திக்க இன்று ததேமமு வழி வகுத்து விட்டது.

அடுத்து தெரியாமல் கேட்கிறோம், நமக்கும் நிலாந்தனுக்கும் என்ன வாய்க்கால் வரப்பு தகராறா? இல்லை சொத்து பிரச்சினையா? தனிப்பட்ட முறையில் எங்களுக்கு அவரை தெரியாது. அது கூட பலருக்கு புரியவில்லை.

நாம் முன்பே அவரது வாக்குமூலத்தை இணைத்திருக்கிறோம். நேற்று மட்டுமல்ல இன்றும் ஏன் நாளையும் கூட தமிழீழ விடுதலை என்பது விடுதலைப்புலிகளின் தியாகங்களை மதிப்பதனூடாகவும் முள்ளிவாய்;க்காலில் தலைவர் நிகழ்த்தியது மிக முக்கியமான இராஜதந்திர பகடையாட்டம் என்ற புரிதலை அடைவதனூடாகவுமே எட்டமுடியும். அதை சிதையாமல் கொண்டு செல்ல வேண்டிய ஒரு அமைப்பே நமது தற்போதைய தேவை.

ஆனால் நிலாந்தன் முன்பு முகமூடி தரித்தும் பின்பு வெளிப்படையாகவும் தற்போது மிக நுட்பமாகவும் “புலி நீக்கம்” செய்யப்பட்ட அரசியலை தமிழ்த்தேசிய பரப்பிற்குள் திணிக்க களமிறக்கப்பட்டுள்ளார். இது ஒரு அன்னிய நிகழச்சி நிரலின் பிரகாரம் நடப்பதாக நாம் நம்புகிறோம். விரைவில் அதனை ஆதாரங்களுடன் மக்கள் முன் சமர்ப்பிப்போம்.

“புலிநீக்கம”; என்பது சிங்களத்தினது மட்டுமல்ல இந்திய மேற்குலக நிகழ்ச்சி நிரல் என்பது எமது மக்களுக்கு தெளிவாகவே தெரியும். எனவே இந்த போக்கை நாம் எந்த காரணம் கொண்டும் அனுமதிக்க முடியாது.

நிலாந்தன் இதுவரை அதை செய்து கொண்டிருந்தபோதும் நாம் அது குறித்து எந்த எதிர்வினையுமாற்றவில்லை. காரணம், தமிழ்த்தேசியப்பரப்பில் கிட்டத்தட்ட அவர் அம்பலப்பட்டுப்போன ஒரு நபர். அத்தோடு அவரது புலியெதிர்ப்பு நிகழ்ச்சி நிரலுக்கு எந்த அங்கீகாரமும் இதுவரை கிடைக்கவில்லை. இனி கிடைக்கப்போதுமில்லை. அது வேறு கதை.

ததேமமு அவரை மேடையேற்றியதனூடாக அவரது புலியெதிர்ப்பு நிகழ்ச்சி நிரலுக்கு ஒரு அங்கீகாரத்தை வழங்க முற்படட்டதுதான் இங்கு பிரச்சினைக்கு அடித்தளமிட்டிருக்கிறது.

எமது முன்னயை பதிவில் நிலாந்தனின் செயற்பாடுகள் குறித்து எழுதியுள்ளதால் மேலதிகமாக இங்கு எழுத விரும்பவில்லை.

மே 18 இற்கு பிறகு பலியெதிர்ப்பு – புலி நீக்கம் செய்யப்பட்ட அரசியலை நிறுவ பாடுபட்ட ஒரு தனி மனித இயக்கம் நிலாந்தன். தாயகத்தில் மட்டுமல்ல தமிழகம் மற்றும் புலத்தில் புலிகளுக்கு எதிரான போர்க்குற்ற சாட்சியங்கள் ஆவணப்படுத்தப்பட நேரிடையாகவும் மறைமுகமாகவும் நிலாந்தனின் பங்கு இருக்கிறது.

எனவே தமிழீழ விடுதலைப்போராட்டத்திற்கு எதிரான தனது வாக்கு மூலங்களை மட்டுமல்ல தன்னால் உந்தப்பட்டு வாக்குமூலங்களை பதிவு செய்திருக்கும் அனைவரினதும் வாக்குமூலங்களையும் ஜெனிவா சென்றடையாமல் தடுப்பது மட்டுமல்ல அதை முழுமையாக மீளெடு;க்காத வரை நிலாந்தனை ஒரு தமிழ்த்தேசிய சக்தி என்று அழைப்பது தமிழ் மக்களுக்கு செய்யும் மிகப்பெரிய துரோகமாகவே நாம் கருதுகிறோம்.

ததேமமு மீதான எமது குற்றச்சாட்டுக்கள் இந்த அடிப்படையிலேயே முன்வைக்கப்பட்டுள்ளன. தமிழ்ப்பரப்பில் கருத்து கூற யாருக்கும் உரிமை உண்டு. நிலாந்தனை யாரும் தடுக்க முடியாது. நாம் இதுவரை தடுக்கவும் இல்லை. ஆனால் தேசியத்தலைவர் பிரபாகரனின் அரசியலின் தொடர்ச்சியை செய்வதாக சொல்லும் ஒரு அமைப்பு தலைவரை “உலகின் மன்னிக்கமுடியாத போர்க்குற்றவாளி” என்று கூறும் ஒருவருக்கு தமிழ் மக்களின் பெயரால் அங்கீகாரத்தை வழங்கும்போதுதான் நாம் கேள்வி கேட்க நேரிடுகிறது.

எனவே நாம் முன்பு எழுதியதில் எந்த மாற்றமும் இல்லை.

நிலாந்தனை மேடையேற்றியதற்கு ததேமமு தமிழ் மக்களிடம் பகிரங்கமாக மன்னிப்பு கேட்க வேண்டும். அல்லது தலைவர்மீதும் போராட்டம் மீதும் சேறடித்து போர்க்குற்ற ஆவணமாக முன்வைத்த நிலாந்தனின் வாக்கு மூலத்தை அவர் மீளப்பெறும் உறுதிமொழியை தமிழ்மக்களுக்கு ததேமமு தரவேண்டும். இல்லையேல் ததேமமு ஐ தமிழ் மக்கள் புறக்கணிப்பதைத; தவிர வேறு வழியில்லை. மாவீரர்களையும் தேசியத்தலைவரையும் கொச்சைப்படுத்தும் நயவஞ்சக பச்சோந்திகளுக்கு அடைக்கலம் கொடுக்கும் ஒரு கட்சி தமிழ் மக்களுக்கு தேவையில்லை..அதற்கு ஏற்கனவே “கூட்டமைப்பு” என்ற ஒரு கட்சி இருக்கிறது.

எனவே தேர்தல் அரசியலுக்கு அப்பால் புலிகள் விட்டு சென்ற இடத்தை சரியாக நிரப்பும் மாற்று தமிழ்த்தேசிய அரசியல் இயக்கமொன்றின் தேவையை தற்போது உணர்கிறோம். அதை தாயகத்தில் கட்டியெழுப்ப ஒன்று திரளுமாறு மக்களுக்கும் மாணவர்களுக்கும் ஊடகவியலாளர்களுக்கும் அறைகூவல் விடுக்கிறோம்.

மாவீரர்களின் தியாகங்களை மதித்து தமிழீழ தேசியத்தலைவர் மேதகு வே பிரபாகரன் வழியில் நின்று தாயகத்தை மீட்டெடுக்க உறுதியெடுப்போம்.

ஈழம்ஈநியூஸ்.

Advertisements